मध्यरातमा कारको ठक्करबाट नेपालगन्जमा तीन जना पैदल यात्रुको मृत्यु भएको छ । घटना गएराती ११ बजेर ४५ मिनेट जाँदा भएको हो ।

प्रदेश ३–०१–२३ च ८४८१ नम्बरको कारले नेपालगन्जको बिपीचोक नजिक ठक्कर दिँदा हिँडिरहेका ६५ वर्षिया समिना इद्रिसी, ५ वर्षका कसिम इद्रिसी र ५ वर्षका अलि इद्रिसीको मृत्यु भएको बाँके प्रहरीले जानकारी दिएको छ ।

कारले ठक्कर दिएलगत्तै घाइते भएका उनीहरुलाई त्यही कारमा राखेर चालकले नजिकैको नर्सिङहोम पुर्याएका थिए । १५ मिनेटपछि नै अस्पतालले तीनै जनालाई मृत घोषणा गरेको थियो । बाँके प्रहरीले कार र चालकलाई नियन्त्रणमा लिएको छ ।