वरिष्ठ गायक सिताराम पोखरेल रेडियो प्रचार सेवा विकास समितिको सदस्यमा नियुक्त भएका छन् । उनलाई सञ्चार तथा सूचना प्रविधि मन्त्री स्तरिय निर्णयबाट दुई वर्षका लागि सदस्यमा नियुक्त गरिएको हो ।

‘रेडियो प्रचार सेवा विकास समितिमा रहेर रेडियो नेपालको विकास र विस्तारमा सक्दो योगदान दिनेछु,’ नियुक्तिपछि पोखरेलले बताए । पोखरेललाई नेपाली मनोरन्जन क्षेत्रमा मोडल तथा कलाकारको रूपमा पनि चिनिने गरिन्छ ।

२०४४ सालमा ‘सजाइदियौ जिन्दगी मेरो’ बोलको गीतबाट सांगीतिक यात्रा शुरू गरेका गायक पोखरेलको २०० भन्दा बढी गीत तथा दर्जनौँ एल्बम प्रकाशित छन् । पोखरेल मोडल तथा कलाकार पनि हुन् । उनी आफ्नो गीतको भिडियोको अलवा ठुला तथा साना पर्दाका फिल्ममा समेत अभिनय गर्दै आएका छन् ।