प्रेस सेन्टर नेपाल खजुरा शाखाको अध्यक्षमा रेखा थापा चयन भएकी छन । शनिबार भएको सम्मेलनले रेखा थापाको अध्यक्षतामा २१ सदस्यीय कार्यसमिति चयन गरेको हो ।

जसको उपाध्यक्षमा अमृता अवास, सचिवमा अक्तार खाँन, सहसचिवमा अफ्ताव खान, कोषाध्यक्षमा बिना चौधरी त्यस्तै सदस्यहरुमा सुनिल परियार, सुरज नगाल, रबिना बि।क।, सन्तोष रम्तेल लगायत चयन भएका छ्न ।

प्रेस सेन्टर नेपाल बाँकेका कार्यबाहक सचिब केपी घिमिरेले सञ्चालन गरेको कार्यक्रमको अध्यक्षता प्रेस सेन्टर बाँकेका अध्यक्ष डा. डक्ट प्रसाद धितालले गरेका थिए ।

कार्यक्रममा प्रेस सेन्टर नेपालका केन्द्रीय सदस्य सिराज खान, प्रेस सेन्टर नेपाल लुम्बिनी प्रदेशका सचिव आलम खान, लुम्बिनी प्रदेश सचिव तथा आदिवासी जनजाति पत्रकार महासंघका लुम्बिनी प्रदेश अध्यक्ष गजेन्द्र गुरुङ, खजुरा गाउँपालिका वडा नं. ३ का वडा अध्यक्ष कान्तुराम गौतम, नेकपा माओवादी केन्द्र खजुरा गाउँपालिकाका सहसचिव खडक वली, प्रेस सेन्टर नेपाल बाँकेका कोषाध्यक्ष तथा नेपालगन्ज उपमहानगरपालिका अध्यक्ष चन्द्र बोहरा, उपाध्यक्ष सबिता चन्द लगायतको सहभागीता रहेको थियोे ।