मैत्रीपूर्ण फुटबलमा नेपाली राष्ट्रिय फुटबल टोली थाइल्यान्डकाे चोनबरी एफसीसँग पराजित भएको छ ।

थाइल्यान्डमा आज भएकाे मैत्रीपूर्ण फुटबलमा नेपाली टाेली चोनबरीसँग तीन–एक गोलले पराजित भयो । पहिलो हाफमा एक गोल गरेको चोनबरीले दोस्रो हाफमा अरू दुई गाेल गर्‍याे ।

 नेपालका लागि ८३ औँ मिनेटमा दर्शन गुरुङले एक गोल गरे । यसअघि थाइल्यान्डसँग भएको मैत्रीपूर्ण फुटबलमा नेपाल दुई–शून्य गाेलले पराजित भएको थियो ।

एएफसी एसियन कप छनोट अन्तर्गत तेस्रो चरणको खेलअघि नेपाल मैत्रीपूर्ण फुटबल खेल्न थाइल्यान्ड पुगेको हो ।एसियन कप छनोटमा नेपाल रहेको समूह ‘ए’ मा  कुवेत, इन्डोनेसिया र जोर्डन रहेका छन् ।