काठमाडौं । सुनको मूल्यमा ह्वात्तै गिरावट आएको छ । नेपाल सुनचाँदी व्यवसायी महासंघका अनुसार शुक्रबारको तुलनामा आज आइतबार सुन प्रतितोला एक हजार चार सय रुपैयाँले सस्तो भएको हो ।

आज छापावाल सुन प्रतितोला ९६ हजार ६०० रुपैयाँमा कारोबार भएको छ । शुक्रबार ९८ हजार रुपैयाँमा कारोबार भएको थियो । त्यस्तै तेजाबी सुन आज ९६ हजार १०० रुपैयाँमा कारोबार भइरहेको छ ।

शुक्रबार ९७ हजार ५०० रुपैयाँमा कारोबार भएको सुन सोही दरमा घटेको हो । चाँदीको भाउ पनि आज प्रतितोला ४० रुपैयाँले घटेको छ । चाँदी आज १ हजार २९५ रुपैयाँमा कारोबार भइरहेको छ । शुक्रबार चाँदी १ हजार ३३५ रुपैयाँमा कारोबार भएको थियो ।