काठमाडौं । आइतबार प्रतिनिधि सभामा टेबल भएको एमसीसीविरुद्धको रिट सर्वोच्च अदालतमा पुगेको छ । सोमबार वरिष्ठ अधिवक्ता सुरेन्द्र भण्डारीले सर्वोच्चमा उक्त रिट दर्ता गर्न लगेका हुन् ।

एमसीसीका कतिपय प्रावधान नेपालको सार्वभौमिकताविरुद्ध रहेकाले अघि बढाउन नहुने भन्दै भण्डारीले रिट लिएर सर्वाेच्च पुगेका हुन् । अहिले रिट दर्ता भएको छैन । रिट अध्ययनकै क्रममा रहेको र यसबारे आज निर्णय हुने सर्वोच्चका प्रवक्ता बाबुराम दाहालले जानकारी दिए ।

एमसीसी टेबल भएको विरोधमा दलहरु विभाजित भएका छन् भने जनस्तरमा पनि यसको विरोध भइरहेको छ । विरोधमा उत्रेकाविरुद्ध प्रहरीले बल प्रयोग गरेको थियो ।