बैतडी । निर्माण व्यवसायीको टिप्परमा चढेर घर फर्किदै गर्दा बैतडीको पाटनमा टिप्पर दुर्घटना हुँदा सात जना विद्यार्थीको मृत्यु भएको छ ।
बैतडीको पाटन नगरपालिका–३, गुरुडास्थित सिगास माबिका विद्यार्थी टिप्पर चढेर घर फर्किदै गर्दा दुर्घटना भएको हो ।
पाटन नगरपालिका–३, डबरा भन्ने स्थानमा दुर्घटना हुँदा घटनास्थलमै सात जना विद्यार्थीको मृत्यु भएको यातायात व्यवसायी दिनेश बिष्टले बताए ।
टिप्परमा करीब २५ जना विद्यार्थी चढेर घर फर्किदै गरेको अवस्थामा भएको दुर्घटनामा ठूलो हाताहाती भएको हुनसक्ने बिष्टले बताए ।
घटनास्थलमा ईलाका प्रहरी कार्यालयको टोली परिचालन गरिएको प्रहरीले जनाएको छ । घटनाको थप विवण आउँन बाँकी छ ।
।