बाँके । बाँकेको कोहलपुर नगरपालिका–११, कोहलपुर चौराहमा गए राति ट्रक पल्टँदा च्यापिएर ड्युटीमा खटिएका प्रहरी कर्मचारीको मृत्यु भएको छ ।

प्रहरीचौकी खडैचा दरबन्दी भई हाल इलाका प्रहरी कार्यालय बाँकेमा कार्यरत ३६ वर्षीया प्रहरीजवान कविता बीसीको मृत्यु भएको हो ।

शमशेरगन्जबाट कौशिलानगरतर्फ जाँदै गरेको ना३ख ६४३६ नम्बरको ट्रक कोहलपुर चौराहमा मोड्ने क्रममा एक्कासि पल्टँदा बीसी च्यापिएकी थिइन् ।

उनको उपचारका क्रममा कोहलपुरस्थित नेपालगन्ज मेडिकल कलेजमा आइतबार राति सवा १० बजे मृत्यु भएको जनाइएको छ ।

गए राति करिब १० बजे भएको सवारी दुर्घटनालगतै फरार भएका ट्रक चालकको खोजी भइरहेको छ ।