सुर्खेत । सुर्खेतमा मोटरसाइकल दुर्घटनामा परि दुई जनाको मृत्यु भएको छ ।
दुर्घटनामा ज्यान गुमाउनेहरुमा भेरीगंगा नगरपालिका वडा नं १० का २० वर्षीय रवीन सिञ्जाली र सोही ठाउँका १७ वर्षीय योगेश बुढा रहेको प्रहरीले जनाएको छ ।
छिन्चुबाट कोहलपुरतर्फ जाँदै गरेको लु ८० प ८४९३ नं को मोटरसाइकल अनियन्त्रित भई दुर्घटना भएको जिल्ला प्रहरी कार्यालय सुर्खेतले जनाएको छ ।
प्रहरीका अनुसार गएराती करिब १०ः३० बजेतिर भेरीगंगा नगरपालिका–४ हर्रे नजिक सडकबाट मोटरसाइकल करिब २०० मिटर तल खसी मोटरसाइकलमा सवारहरुको घटनास्थलमै मृत्यु भएको हो ।
दुर्घटना शुक्रबार राती भए पनि उनीहरुको शव शनिबार मात्रै पोष्टमार्टमका लागि मेहेलकुना अस्पताल लगिएको जिल्ला प्रहरी कार्यालय सुर्खेतका प्रवक्ता एंव डिएसपी रामप्रसाद घर्तीले बताए ।
।