काठमाडौं । युरोपियन च्याम्पियन्स लिग फुटबल प्रतियोगिताको नक आउट चरणका खेलहरु आजबाट सुरु हुँदैछन् ।

राउण्ड अफ सिक्सटिनको पहिलो लेगको खेलमा आज राति फ्रान्सको पेरिस सेन्ट जर्मेन (पि.एस.जी) र स्पेनको रियाल मड्रिड भिड्नेछन् । यो खेल फ्रान्सको पेरिसमा हुनेछ ।

आजै राति पोर्चुगलमा हुने अर्को खेलमा घरेलु टोली स्पोर्टिङ लिस्बनले इंग्ल्याण्डको म्यान्चेस्टर सिटीसँग खेल्नेछ ।

राउण्ड अफ सिक्सटिन अन्तर्गत भोलि राति हुने खेलहरुमा अष्ट्रियाको एफ.सी साल्जबर्गले जर्मनीको बायर्न म्युनिखसँग खेल्दा इटालीको इन्टर मिलान र इंग्ल्याण्डको लिभरपुल भिड्नेछन् ।

यसपटक स्पेनिस क्लब बार्सिलोना च्याम्पियन्स लिगको नक आउट चरणमा उपस्थित छैन् । समुह चरणमा तेस्रो भएपछि बार्सिलोना १८ वर्षपछि पहिलो पटक नक आउट चरणमा उक्लन असमर्थ भएको हो ।