रोल्पा । रोल्पामा लागुऔषध ब्राउनसुगर र चरेससहित एक महिला पक्राउ परेकी छन् ।

जिल्लाको लुङ्ग्री गाउँपालिका–६ गुम्चाल घर भई जिल्लाकै सुनिल स्मृति गाउँपालिका–६ रुईनिवाङ्गमा झरना नास्ता पसल गरी बस्ने ३० वर्षीया झलमली बुढाथोकी लागुऔषधसहित पक्राउ परेकी हुन् ।

मंगलबार अपरान्ह निजले लागुऔषध कारोवार गर्दैछिन् भन्ने गोप्य सूचनाका आधारमा जिल्ला प्रहरी कार्यालय रोल्पा र इलाका प्रहरी कार्यालय सुलिचौरको टोलीले उनको पसलमा छापा मारेको थियो ।

सोही क्रममा ती महिलाको शरीरबाट ११ पुरिया २४० मिलिग्राम ब्राउनसुगर र ६४ ग्राम चरेस फेला पारेर उनलाई पक्राउ गरिएको प्रहरी निरीक्षक सन्तोष केसीले जानकारी दिए ।