कैलाली । लुम्बिनी प्रदेशमा राष्ट्रिय सभा सदस्यको चुनावमा सत्तारूढ गठबन्धनका उम्मेद्वार विजयी भएकी छन् । राष्ट्रिय सभा सदस्यमा आज भएको निर्वाचनमा सुदूरपश्चिमबाट कैलालीकी गरिमा शाह विजयी भएकी हुन् ।

सत्ता गठबन्धनबाट महिलातर्फकी उम्मेद्वार रहेकी शाहले प्रदेशसभा तर्फ १ हजार ८७२ मतभार र स्थानीय तहतर्फ १ हजार ९६२ मतभार पाएर निर्वाचित भएकी हुन् । शाह नेकपा एकीकृत समाजवादीकी केन्द्रीय सचिव तथा सुदूरपश्चिम इन्चार्जसमेत हुन् ।

राष्ट्रिय सभा सदस्यका लागि सत्तारूढ गठबन्धनले नेतृ शाहलाई साझा उम्मेदवार बनाएको थियो । त्यस्तै एमाले उम्मेदवार सन्तोषकुमारी थापाले प्रदेशतर्फ ५७६ र स्थानीय तहतर्फ १ हजार १५२ मतभार प्राप्त गरेकी थिइन् ।