बझाङ  । बझाङकाे जयपृथ्वी नगरपालिका – ४ मा मोटरसाइकल दुर्घटना हुदाँ २ जना घाइते भएका छन् ।

सदरमुकाम चैनपुरबाट जयपृथ्वी नगरपालिका – ४ गाेलाईमा विहेमा जाने क्रममा भिडमुनि भन्ने ठाउँमा माेटरसाईकल अनियन्त्रीत भएर साझ ७ बजे मोटरसाइकल सडककाे भित्तामा ठाेकिएर दुर्घटना भएकाे जिल्ला प्रहरी कार्यालय बझाङले जनाएकाे छ ।

विहेमा जाँदै गरेकाे सु.प.प्र.०१००८ प १५११ नम्बरकाे माेटरसाइकल सडककाे भित्तामा ठोक्किएर दुर्घटना भएको हाे । दुर्घटनामा परि मोटरसाइकल चालक मष्टा गाउँपालिका -१ काेटदेवल घर भई हाल सदरमुकाम चैनपुरमा मेडिकल ल्याब संचालन गरिरहेका बर्ष २८ का झलक ओखेडा गम्भीर घाइते भएका छन् भने माेटरसाइकलकाे पछाडी सवार जयपृथ्वी नरपालिका – ३ पडेस बस्ने २८ बर्षिय रमेश ओड सामान्य घाइते भएका छन् ।

माेटरसाइकल १०/१५ मिटर टाढा सडकमै रहेकाे छ । गम्भीर घाईते ओखेडालाई उपचारका लागि जिल्ला अस्पताल सिमखेत लगेपनि टाउकाे र खुट्टामा गम्भीर चाेट लागेकाले धनगडि रेफर गरिएकाे जिल्ला प्रहरी कार्यालय बझाङका डिएसपी ज्ञान बहादुर विष्टले जानकारी दिए ।