काठमाडौं । विश्वभर पछिल्लो २४ घण्टामा २७ लाख १५ हजार ७९३ जना कोरोना संक्रमित थपिएका छन्। योसँगै विश्वभर कुल संक्रमितको संख्या ३१ करोड ३८ लाख नाघेको छ।

पछिल्लो केही दिनदेखि अमेरिका र युरोपमा संक्रमण बढेसँगै दैनिकसंक्रमितको संख्यासमेत उच्च हुन थालेको हो। पछिल्लो २४ घण्टामा अमेरिकामा ६ लाख २८ हजार, फ्रान्समा ३ लाख ६८ हजार, इटलीमा दुई लाख २० हजार, बेलायतमा एक लाख २० हजार संक्रमित थपिएका छन्।

सो अवधिमा ९ लाख २४ हजार ३६९ संक्रमणमुक्त भएका छन् भने ७ हजार ७५९ जनाको मृत्यु भएको छ। पछिल्लो २४ घण्टामा भारतमा १ लाख ८५ हजार संक्रमित थपिँदा १४६ जनाको मृत्यु भएको छ।