काठमाडौं । नेपाली कांग्रेसकी केन्द्रीय सदस्य तथा प्रधानमन्त्री पत्नी आरजू राणाले सत्तारूढ भारतीय जनता पार्टीका विदेश विभाग प्रमुख विजय चौथाइवालेसँग भेटवार्ता गरेकी छन् ।

भाइ भुषण राणाको उपचारको लागि भारतको दिल्ली पुगेकी राणाले चौथाइवालेसँग भेटवार्ता गरेकी हुन् । उनी पुस ११ गते नयाँ दिल्ली गएकी थिइन् ।

चौथाइवालेले ट्विटरमा लेखेका छन्, ‘आज निजी भ्रमणमा रहेकी डा.आरजू राना देउवासँग नयाँदिल्लीमा अत्यन्तै सौहार्दपूर्ण भेटवार्ता भयो ।’

Today, I had a very coordial meeting with Dr Arzoo Rana Deuba , who is currently on a personal visit to New Delhi. @NepaliCongress pic.twitter.com/FfSbK6yRJT

— Dr Vijay Chauthaiwale (Modi ka Parivar) (@vijai63) January 2, 2022

प्रधानमन्त्री शेरबहादुर देउवा भारत भ्रमणमा जानुअघि आरजूको सक्रियतालाई अर्थपूर्ण रूपमा हेरिएको छ । प्रधानमन्त्री देउवालाई भारत सरकारले गुजरातको गान्धी नगरमा पुस २६ गतेदेखि २८ मा हुने ‘भाइब्रेन्ट गुजरात ग्लोबल समिट’ मा भाग लिन जाँदैछन् ।