काठमाडौं । नेपाली कांग्रसले १४ औं महाधिवेशनबाट विजयी पदाधिकारी र केन्द्रीय सदस्यहरुलाई आज निर्वाचित भएको प्रमाणपत्र वितरण गरिने भएको छ।

शनिबार बिहान ११ बजेदेखि निर्वाचित पदाधिकारी एवं सदस्यलाई कांग्रेस निर्वाचन समितिले ‘निर्वाचित भएको प्रमाणपत्र’ वितरण गर्ने कार्यक्रम रहेको कार्यालयका सचिव केशव रिजालले जानकारी दिए ।

गत मंसिर २४ देखि २८ गतेसम्म सम्पन्न महाधिवेशनअन्तर्गत भएको निर्वाचनबाट केन्द्रीय कार्यसमितिका १३४ पदाधिकारी र सदस्य निर्वाचित भएका थिए।

‘निर्वाचित भएको प्रमाण पत्र’ वितरणका लागि सबै पदाधिकारी र सदस्यलाई खबर गरिसकेको र सो कार्यक्रमपछि कांग्रेस कार्यालयको ठूलो हलमा केन्द्रीय कार्यसमिति बैठक बस्ने उनले बताए।