ट्रकको ठक्करबाट पैदलयात्रीको मृत्यु
बाँके । बाँकेको कोहलपुर नगरपालिका–८ गोल्छामा हिजो बेलुकी ट्रकको ठक्करबाट पैदलयात्रीको मृत्यु भएको छ ।
कर्णाली प्रदेश ०२–००१ ख ००८८ नम्बरको ट्रकले पैदल हिंडिरहेका रुकुम पश्चिमको आठबिसकोट नगरपालिका ११ का ६० वर्षीय मन बहादुर केसीको मृत्यु भएको हो ।
ट्रकको ठक्करबाट गम्भीर घाइते भएका केसीको उपचारका क्रममा नेपालगञ्ज मेडिकल कलेज कोहलपुरमा मृत्यु भएको हो ।
ठक्कर दिने ट्रक सहित चालकलाई इलाका प्रहरी कार्यालय कोहलपुरले नियन्त्रणमा लिएको छ ।
।