काठमाडौं । नेपाली कांग्रेसको १४ औं महाधिवेशन शुक्रबार (हिजो)देखि काठमाडौंमा शुरु भएको छ । कांग्रेसको महाकुम्भ मानिएको जारी महाधिवेशनमा आकांक्षी धेरै देखिएका छन् । महामन्त्रीको उम्मेद्वारी घोषणा गरेका युवा नेता तथा पूर्वमन्त्री गगन थापालाई जिताउने अभियान स्वरुप ‘गगन दाइ हाई हाई’ बोलको गीत सार्वजनिक भएको छ ।

भिडियोसहित बजारमा आएको गीतमा गगन थापाकोे आवश्यकता किन त उनले जिते देशले के पाउँछ ? उनले नेतृत्वमा हुँदा के के राम्रा काम गरे भन्ने केहि विषयबस्तु समेटिएका छन् । गीतमा गायिका टिका पुन र कृष्ण रेउलेको स्वर रहेको छ भने अमृत अधिकारीको शब्द रहेको छ । गीतको संयोजन दुर्गा रायमाझीले गरेका छन् भने गीतको संगीत शिव हमालले गरेका हुन् ।