थपिए २४६ कोभिड संक्रमित, मृत्यु शून्य
काठमाडौँ । शुक्रवार नेपालमा कोरोनाभाइरसबाट २४६ जना संक्रमित पुष्टि भएको स्वास्थ्य मन्त्रालयले जनाएको छ ।
गत चौबीस घन्टामा ६ हजार ४०० पीसीआर तथा १ हजार ४३६ एन्टिजेन परीक्षण गर्दा सो संख्यामा संक्रमित फेला परेका हुन् ।
मन्त्रालयले वितेको २४ घण्टामा कोभिडको कारण कसैको पनि निधन नभएको पाइएको समेत जानकारी दिएको छ । त्यस्तै शुक्रबार ३४७ जना कोरोना संक्रमणमुक्त भएका छन्।
यस्तै शुक्रबार काठमाडौँ उपत्यकामा थप ९३ जनामा कोरोना संक्रमण पुष्टि भएको छ।
काठमाडौँमा ५५, भक्तपुरमा ९ र ललितपुरमा २९ जना संक्रमित थपिएका हुन्।
हाल देशभर ६ हजार९२१ सक्रिय संक्रमित रहेका छन्।
।