बाँके । बाँकेको नरैनापुरका कक्षा ६–१२ का छात्रालाई निशुल्क साईकल वितरण गरिएको छ ।
कक्षा बढ्दै जाँदा विद्यालय छोड्ने क्रम बढेपछि गाउपालिकाले कक्षा ६–१२ का छात्राहरुलाई विद्यालयसंग जोड्ने उद्देश्यले लुम्बिनी प्रदेश सरकारसंगको सहकार्यमा निशुल्क साईकल वितरण गरेको हो ।
गाउपालिकाले मुख्यमन्त्री शैक्षिक सुधार कार्यक्रम अन्तरगत पालिकामा रहेका ३ माध्यामिक विद्यालय र एक आधारभुत तहमा कक्षा ६ देखि १२ सम्म अध्ययन गर्दै आएका ५ सय २ जना छात्रालाई साईकल वितरण गरेको हो ।
सो अवसरमा लुम्बिनी प्रदेस सभा सदस्य कृष्णा केसी नमुनाले नरैनापुरको विकासको लागि छात्राको पहुँच विद्यालयसम्म पुराउन आवश्यक भएकोले मुख्यमन्त्री शैक्षिक सुधार कार्यक्रम अन्तरगत छात्रालाई साईकल वितरण गरिएको बताईन ।
नरैनापुरमा रहेका सामुदायिक विद्यालय मध्ये ३ वटा मावि तह, १ आधारभुत तह र ४२ वटा प्रावि तहका रहेकोले अधिकांश कक्षा ५ सम्म पढेर विद्यालय टाढा भएको बाहाना बनाउदै कक्षा छाड्ने गरेको जनगुनासो आएपछि गाउपालिकाले सामुदायिक विद्यालयमा अध्ययन गर्ने कक्षा ६ देखि माथिका सबै छात्राहरुलाई साईकल वितरण गरिएको गाउपालिकाका अध्यक्ष ईस्तियाक अहमद शाहले बताए ।
उनले नरैनापुर हरेक क्षेत्रबाट पछाडि पारीएको पालिका भएकोले प्रदेश सरकारले यहाँको शैक्षिक क्षेत्रको विकासमा टेवा पुराउने उद्देश्यले छात्राहरुको विद्यालयसम्मको पहुँच बढाउने उद्देश्यले उनीहरुलाई विद्यालय आउन र जानको लागि सहज होस भनेर साईकल उपलब्ध गराईएको बताए ।
गाउपालिकाका प्रमुख प्रशाशकिय अधिकृत दलबहादुर बस्नेतले पालिकाले शिक्षालाई प्राथामिकतामा राखेर विभिन्न कार्यक्रम सञ्चालन गर्दै आएको बताए ।
उनले पालिकाका छात्राको विद्यालयसम्मको पहुँच पुराउन छात्रबृत्तिदेखि निशुल्क साईकल वितरण गरेको बताए ।
सो कार्यक्रमका लागि लुम्बिनी प्रदेश सरकार र नरैनापुर गाउपालिकाको सहकार्यमा ५० लाख बजेट रहेको पालिकाका लेखा प्रमुख प्रकाश अधिकारीले जानकारी दिए ।
कार्यक्रम शिक्षा शाखा प्रमुख कृष्णकुमार थारुको अध्यक्षतामा र सहजिकरण अरुणकुमार यादवले गरेका थिए ।
।