रुपन्देही । रुपन्देहीमा ट्रकको ठक्करबाट मोटरसाइकलमा सबार बाबुछोराकै मृत्यु भएको छ।

गएराति भैरहवास्थित बर्मेली चोकमा ना ३ ख ३८६० नम्बरको ट्रकले ठक्कर दिँदा  स्याङ्जाको चापाकोट नगरपालिका ४ का ५३ वर्षीय गीतानाथ खनाल र उनका १३ वर्षीय छोरा सुदीपको मृत्यु भएको जिल्ला प्रहरी कार्यालय रुपन्देहीले जनाएको छ।

बाबुछोरा ग ११ प ५४४४ नम्बरको मोटरसाइकलमा सबार थिए। दुर्घटनामा गम्भीर घाइते भएका उनीहरुको स्थानीय अस्पतालमा उपचारको क्रममा मृत्यु भएको प्रहरीले जनाएको छ।

दुर्घटनापछि प्रहरीले ट्रक चालकलाई पक्राउ गरेको छ। घटनाको सम्बन्धमा थप अनुसन्धान भइरहेको प्रहरीले जनाएको छ।