बाँकेमा बिहीवार ३ जनामा कोभिड पुष्टि
बाँके । बाँकेमा बिहीवार ३ जनामा कोरोना पुष्टि भएको छ ।
जिल्लाका तीन वटा प्रयोगशालामा ६२ वटा नमुना जाँच्दा ३ जनामा भाइरस संक्रमण पुष्टि भएको हो ।
भेरी अस्पतालमा २४ नमुना परीक्षण गर्दा २ जनामा भाइरस संक्रमण पुष्टि भएको हो ।
यस्तै मेडिकल कलेज कोहलपुरमा ३१ नमुना परीक्षण गर्दा १ जनामा भाइरस संक्रमण पुष्टि भयो । बागेश्वरी प्रयोगशालामा ७ नमुना परीक्षण गर्दा सबै रिपोर्ट नेगेटिभ आएको छ ।
संक्रमण पुष्टि भएका तीनै जना जिल्ला बाहिरका हुन् । यस्तै बिहीवार २ जना डिस्चार्ज भएका छन् । योसँगै जिल्लामा डिस्चार्ज हुनेको संख्या १८ हजार ७८ पुगेको छ ।
।