काठमाडौँ ।  नेपाल बार एसोसिएशनले आज पनि सर्वोच्च अदालतको गेटमा धर्ना दिने भएको छ ।

प्रधानन्यायाधीश चोलेन्द्र शम्शेर जबराविरुद्धको आन्दोलनलाई थप कडा पारेको बारले आज बिहान १० बजे अघिदेखि नै अदालत परिसरमा धर्ना दिने तयारी गरेको हो ।

यसअघि शुक्रबार प्रधानन्यायाधीश जबरा वैकल्पिक गेटबाट भित्र प्रवेश गरेपछि बारले आज सर्वोच्चका दुवै ढोकामा धर्ना दिने तयारी गरेको छ ।

कार्यपालिकामा भाग मागेको भन्दै बार तथा विभिन्न सङ्घसंस्था, सर्वोच्चका पूर्व तथा बहालवाला न्यायाधीशलगायतले जबराको राजीनामा मागेर आन्दोलन गरिरहेका छन् ।