काठमाडौं । युएई र ओमानमा जारी आईसीसी टी-ट्वान्टी विश्वकप क्रिकेटमा  आज मंगलबार दुई खेलहरु हुँदैछन् ।

पहिलो चरणको समूह ‘बी’ अन्तर्गतको दुबै खेल ओमान क्रिकेट एकेडेमी मैदानमा हुनेछ ।

पहिलो खेलमा स्कटल्याण्ड र पपुवा न्यू गिनी (पीएनजी) बीच प्रतिस्पर्धा हुनेछ ।  दुई टोलीबीचको खेल नेपाली समय अनुसार ३:४५ बाट सुरु हुनेछ।

दुबै टोलीको यो दोस्रो खेल हो । यस अघि स्कटल्याण्डले बंगलादेशलाई ६ रनले पराजित गरेको थियो भने पीनजीले आयोजक ओमानसँग १० विकेटको हार व्यहोरेको थियो ।

त्यसैगरी दोस्रो खेलमा ओमान र बंगलादेशबीच प्रतिस्पर्धा हुनेछ ।  ओमान र बंगलादेशबीचको खेल राति ७:४५ बजे सुरु हुनेछ।

ओमान लगातार दोस्रो जितको खोजीमा हुनेछ । बंगलादेश भने पहिलो जितको खोजीमा हुनेछ ।