अफगानिस्तानको मस्जिदमा आत्मघाती हमला, ५० जनाको मृत्यु
एजेन्सी । उत्तरी अफगानिस्तानको कुन्दुजमा रहेको एउटा मस्जिदमा आत्मघाती बम हमला हुँदा कम्तीमा ५० जना मारिएका छन् ।
मृतकको संखय अझ बढ्न सक्ने अनुमान गरिएको छ । हमलामा १०० जनाभन्दा बढी घाइते भएका छन् ।
अफगानिस्तानबाट अमेरिकी सैनिक फिर्ता भएयता भएको यो सबैभन्दा ठूलो आक्रमण हो ।
आक्रमणमा मारिएकाहरूको शव छरिएको अवस्थामा देखिएको स्थानीय अधिकारीले अन्तर्राष्ट्रिय सञ्चारमाध्यमलाई जानकारी दिएका छन् ।
हालसम्म कुनै पनि समूहले आक्रमणको जिम्मेवारी लिएको छैन ।
।