बाँके । नेशनल लाईफ इन्स्योरेन्स कम्पनी लिमिटेडले बाँकेको खजुरामा नयाँ शाखा बिस्तार गरेको छ ।

शाखाको खजुरा गाउँपालिका अध्यक्ष किस्मत कुमार कक्षपतिले उद्घाटन गरे । विजयादशमी घटस्थापनाको शुभ साईत पारेर शाखा बिस्तार गरिएको कम्पनीले जनाएको छ ।

कम्पनीका नेपालगन्ज शाखा प्रमुख दिपनारायण खनालको सभापतित्वमा सम्पन्न उक्त कार्यक्रममा विशिष्ट अतिथी एवम् खजुरा गाउँपालिका उपाध्यक्ष एकमाया बिक, कम्पनीका राष्ट्रिय लिडर शंकर लामिछाने, गंगा शर्मा पराजुली लगायतको उपस्थिती रहेको थियो ।

कम्पनीका खजुरा शाखा प्रमुख बिवाखर रिमालले कार्यक्रममा स्वागत गरेका थिए । कार्यक्रम सञ्चालन कम्पनीका वरिष्ठ व्यावसायिक प्रबन्धक भावना सापकोटाले गरेकी थिइन् ।