पर्सा । पर्साको पटेर्वा सुगौली गाउँपालिकाको फरहदवामा काठ तस्कर र प्रहरीबिच झडप हुँदा प्रहरीले हवाई फायर गरेको छ । तस्करको समूहलाई प्रहरीले रोक्न खोजेपछि तस्करले प्रहरीमाथि नै आक्रमण गरेका थिए ।
त्यसपछि आफूहरुले हवाई फायर गरेको प्रहरीले जनाएको छ । सोमबार बिहान जंगलबाट काठ बोकेर चारवटा मोटरसाईकलमा आउँदै गरेका तस्करलाई प्रहरीले रोक्न खोजेको थियो ।
सोही क्रममा तीन राउण्ड हवाई फायर गरिएको पर्साका प्रहरी प्रवक्ता एवम् प्रहरी नायब उपरीक्षक ओमप्रकाश खनालले जानकारी दिए ।
हवाई फायर पछि तस्करहरु मोटरसाइकल र काठ छाडेर भागेको उनले बताए । तस्करीमा प्रयोग भएका दुई मोटरसाईकल र गोलिया काठ प्रहरीले बरामद गरेको छ ।
।