काठमाडौं । गीतकार रमेश परियारले यो वर्षको उत्कृष्ट तीज गीत लय मार्फत‘ माइती देशैको’ बाट अवार्ड पाएका छन् ।

सोमबार राजधानीमा आयोजित आठौं संस्करणको छायाँछवि तीज म्युजिक अवार्ड–२०७८ बाट लोक तथा दोहोरी सर्जक परियारले मनोनीत पाँच बाट उत्कृष्ट बन्दै अवार्ड पाएका हुन् ।

‘माइती देशैको’ बोलको मौलिक तीज गीत यस वर्ष धेरै रुचाइएको तीज गीतमा पर्छ । गायिका अमृता नेपाली र गायक रन्जित परियारको स्वर रहेको गीतमा परियारकै शब्द रहेको छ । परियारको शब्द तथा संगीतमा यो वर्षको तीजमा ११ वटा गीत बजारमा आएका छन् ।

आयोजक टिमलाई धन्यवाद दिदै आफूले गरेको मेहनत उत्कृष्टमा पर्दा निकै खुशी लागेको र आगामी दिनमा अझैं राम्रा र मौलिक सिर्जना बजारमा ल्याउने जिम्मेवारी थपिएको महसुस भएको परियारले बताए ।

हरेक वर्ष भव्यरुपमा आयोजना हुँदै आएको छायाँछवि तीज म्युजिक अवार्ड यस वर्ष भने कोरोना महामाहरीका कारण सिमीत उपस्थितीमा सम्पन्न गरिएको छ ।