बाँके । बाँके खजुरा गाउँपालिकाका विद्यालय आइतवारदेखि सञ्चालनमा आएका छन् । कोभिडका कारण करिव पाँच महिनादेखि बन्द रहेका विद्यालय आइतवारदेखि सञ्चालनमा आएका हुन् ।

जिल्ला कोभिड–१९ ब्यवस्थापन केन्द्रले स्मार्ट लकडाउनको पालना हुने गरि स्थानीय तहले विद्यालय संचालनको अनुमति दिनसक्ने निर्णय गरेलगतै खजुरा गाउँपालिकाले आजदेखि विद्यालय सञ्चालन गरेको शिक्षा शाखा प्रमुख खगेन्द्रबहादुर मल्लले बताए ।

सिफ्ट प्रणालीको आधारमा कक्षा सञ्चालन गर्नेगरी विद्यालय सञ्चालन गरिएको मल्लले बताए । विद्यालयलाई जनस्वास्थ्यको मापदण्ड पालना गरेर कक्षा सञ्चालन गर्न कडाइका साथ निर्देशन दिईएको उनले बताए ।