बाँके । बाँकेको कोहलपुर नगरपालिका वडा नं. ६ मा निर्माण सम्पन्न भएको ‘सामुदायिक भवन’को उद्घाटन गरिएको छ ।

बाँके क्षेत्र नं. १ का प्रतिनिधि सभा सदस्य महेश्वर गहतराज ‘अथक’ले शनिबार एक कार्यक्रमका बिच उक्त भवनको उद्घाटन गरेका हुन ।

स्थानीय विकास पुर्वाधार साझेदारी कार्यक्रम अन्तर्गत २४ लाखको लागतमा ६ कोठे सामुदायिक भवन निर्माण गरिएको कोहलपुर वडा नं. ६ का वडाध्यक्ष रामशरण थारुले जानकारी दिए ।

कार्यक्रममा बोल्दै कार्यक्रमका प्रमुख अतिथि तथा बाँके क्षेत्र नं. १ का प्रतिनिधि सभा सदस्य महेश्वर गहतराज अथकले सामुदायिक भवन निर्माण कार्य सामान्य लागे पनि प्राकृति विपद जस्ता विषम परिस्थितिमा यसको उपयोगिता महत्वपूर्ण हुने बताए ।