धादिङ ।  नीलकण्ठ नगरपालिका ८ बगैँचामा साेमवार सवारी दुर्घटना हुँदा २३ जना घाइते भएका छन् ।

ज्वालामुखी गाउँपालिका खरीबाट धादिङबेसी आउँदै गरेको बा ३ ख ५६२६ नम्बरको मिनी ट्रक रोकिराखेको बा ३ ख ५७४४ नम्बरको टिपरमा ठोक्किँदा दुर्घटना भएको हो ।

घाइतेमध्ये चार जनालाई हेलिकप्टर र तीन जनालाई एम्बुलेन्समार्फत काठमाण्डौमा रहेकाे ट्रमा सेन्टर पठाइएको जिल्ला प्रहरी कार्यालयका प्रमुख एवम् प्रहरी उपरीक्षक महेन्द्र खड्काले बताउनुभयाे ।

अन्य घाइतेहरूको धादिङ अस्पतालमा उपचार भइरहेको छ ।