काठमाडौं । नेकपा एमालेका अध्यक्ष केपी शर्मा ओलीले आज पत्रकार सम्मेलनको आयोजना गरेका छन्।
पार्टी जीवनको पछिल्लो अवस्था र देशको समसामयिक राजनीतिक अवस्थाको बारेमा एमालेको धारणा राख्न पत्रकार सम्मेलन आयोजना गरिएको एमाले पार्टी कार्यालयका सचिव शेरबहादुर तामाङले जनाए।
पार्टीका वरिष्ठ नेता माधव नेपाल, झलनाथ खनालले नयाँ पार्टी खोलेसँगै एमालेले पत्रकार सम्मेलन गर्न लागेको हो। सम्मेलन ११ बजे ललितपुरको च्यासलस्थित तुलसीलाल स्मृति प्रतिष्ठान भवनमा हुने छ।
आजै नेपाल पक्षका नेताहरु निर्वाचन आयोग पुग्ने कार्यक्रम रहेको छ। केही दिनअघि नेकपा एकीकृत समाजवादी पार्टी दर्ताका लागि निवेदन दिएका नेपाल पक्षका नेताहरु अहिले चन्द्रगिरी रिसोर्टमा छन्।
उनीहरुलाई निर्वाचन आयोगले आजै सनाखतका लागि उपस्थिति हुन समय दिएको छ।
।