काठमाडौं । राष्ट्रिय परीक्षा बोर्ड सानोठिमीले माध्यमिक शिक्षा परीक्षा(एसइई)को नतिजा यही साउन २५ गतेसम्म सार्वजनिक गर्ने बताएकाे छ ।

बोर्डका अनुसार नतिजा सार्वजनिक गर्नका लागि अहिले धमाधम काम भइरहेको छ । सबै जिल्लाबाट विद्यार्थीको मूल्याङ्कन नतिजा आइसकेको छ ।

कुनै समस्या नआएको खण्डमा भनेको मितिसम्ममा नतिजा सार्वजनिक गर्ने बाेर्डकाे भनाइ छ ।

कोरोना संक्रमण रोकथाम तथा नियन्त्रणका लागि जारी गरिएको निषेधाज्ञाका कारण गत वैशाख २७ गतेबाट हुने भनिएको एसइई परीक्षा स्थगित गरिएको थियो ।

भौतिक रूपले परीक्षा सम्पन्न हुने अवस्था नआएपछि आन्तरिक मूल्यांकनबाट नतिजा प्रकाशित गर्ने निर्णय भएको थियो ।