काठमाडौं । सिन्धुलीको कमला नदीमा लगातारको वर्षाले जलसतह पार गरेको छ । कमला नदी,रानीबास बाढी मापन केन्द्रमा जलसतहले खतरा तह पार गरेको हो ।

कमला नदीको बाढीले असर गर्ने धनुषा, सिराहा लगायत तल्लो तटीय क्षेत्र तथा डुबान भईरहने क्षेत्रहरुमा रहनुहुनेहरूलाई सतर्कता अपनाउन आग्रह गरिएको छ ।

लगातार वर्षा भइरहेकाले राती सम्मै सतर्कता साथ सुरक्षित स्थानमा रहन बाढी सूचना केन्द्रले सबैमा अनुरोध गरेको छ ।

त्यसैगरी तनहुँको बन्दीपुर, विमलनगर, सख्खर र चितवनको कालीखोला वर्षा मापन केन्द्रमा पनि ठूलो वर्षा मापन भएको छ ।

अतः खहरे खोलामा बाढी आउन सक्ने हुनाले सुरक्षित रहन उक्त क्षेत्रका बासिन्दालाई समेत अनुरोध गरिएको छ ।