काठमाडौं । देशमा पश्चिमी र पूर्वी वायु र स्थानीय वायुको मिश्रित प्रभाव रहेकाे छ ।

आज देशभर आंशिक बदली भएर केही स्थानमा वर्षा हुने संभावना रहेको मौसम पूर्वानुमान महाशाखाले जनाएको छ ।

महाशाखाकाअनुसार प्रदेश १, २ बागमती, गण्डकी र कर्णाली प्रदेशमा आंशिक बदली भएर केही स्थानमा वर्षा हुने र बाँकी भागको मौसम सामान्यतय सफा रहने छ ।

हाल देशका केही पहाडी भू – भागहरुमा आंशिक देखि सामान्य बदली रहेको छ अन्य स्थानहरू सामान्यतया सफा रहेको छ। काठमाडौं उपत्यकामा सामान्यतया मौसम सफा रहने महाशाखाले जनाएको छ ।

काठमाडौंको आज बिहानको न्यूनतम् तापक्रम २० दशमलव ५ डिग्री सेल्सियस रहेकाे छ भने दिउँसोको अधिकतम् तापक्रम ३० देखि ३२ डिग्री सेल्सियसकाबीच रहने महाशाखाले जनाएको छ ।

आज बिहान सूर्योदय ५ बजेर ८ मिनेटमा भयो भने सूर्यास्त साँझ ६ बजेर ५८ मिनेटमा हुनेछ ।