चिकित्सक र नर्समाथि आक्रमण

भेरी अस्पतालमा चिकित्सक र नर्समाथि आक्रमण हुनु निन्दनीय : देउवा

आक्रमणकारीलाई कडा कारबाही गरियोस्

।

काठमाडौं । नेपाली कांग्रेसका सभापति शेर बहादुर देउवाले नेपालगञ्जको भेरी अस्पतालका डाक्टर र नर्सहरूमाथि आक्रमण हुनु निन्दनीय कार्य भएको बताएका छन् ।

सामाजिक सञ्जालमा शुक्रवार बिहान लेख्दै उनले घटनाको तत्काल छानबिन गरी आक्रमणमा संलग्नमाथि कडा कारबाहीको माग समेत गरेका छन् ।

उनले भनेका छन्, ‘यो महामारीका बेला ठूलो जोखिम लिएर स्वास्थ्यकर्मीहरु विरामीको उपचारमा दिनरात खटेका छन्। स्वास्थ्यकर्मीमाथि भएकाे याे घटनाको तत्काल छानविन गरी आक्रमणमा संलग्नमाथि कडा कारवाही गर्न माग गर्दछु।’