काठमाडौंँ । उपाधि होडमा रहेको रियल मड्रिडले स्पेनिस ला लिगामा सानदार जित दर्ता गरेको छ । ग्रानडालाई उसकै मैदानमा ४–१ गोल अन्तरले हराउँदै रियल मड्रिडले सानदार जित दर्ता गरेको हो ।

रियलको जितमा लुका मोड्रिच, रोड्रिगो गोएस, अल्भारो ओड्रिओजोला र करिम बेन्जेमाले एक एक गोल गरे । जितपछि रियलले शीर्षस्थानको एट्लेटिको मड्रिडसँगको अंक दुरी छोट्याएको छ ।

रियल मड्रिडको ३६ खेलबाट ७८ अंक छ भने शीर्षस्थानको एट्लेटिको मड्रिडको समान खेलबाट ८० अंक छ । तेस्रो स्थानमा रहेको बार्सिलोनाको ७६ अंक छ ।