बझाङ । बझाङ जिल्लाको दुर्गाथली गाउँपालिकामा एक बालिका मृत अबस्थामा फेला परेकी छन ।

दुर्गाथली गाउँपालिका वडा नं ३ रकैल कि ११ वर्षिय बालिका अनिता दमाई शनिबार साँझ मृत अवस्थामा भेटिएकी हुन । दिउँसो बाख्रा चराउन गएकी बालिका साँझ सम्म घर नफर्किए पछि खोजी गर्दा जंगलमा रुखमा झुन्डिएको अवस्थामा फेला परेकि जिल्ला प्रहरी कार्यालय बझाङले जनाएको छ ।

घटना के कारणले भएको हो भन्ने बारे जानकारी हुन नसकेको जिल्ला प्रहरी कार्यालय बझाङका डियसपी रुपक खड्काले बताउनु भएको छ । शव पोस्टमार्टमका लागि जिल्ला अस्पताल बझाङमा राखिएको छ । घटनाको थप अनुसन्धान भैरहेको प्रहरी जनाएको छ ।