काठमाडौं । मध्य अफ्रिकामा रहेको इक्वेडरको गुयनामा भएको शक्तिशाली विस्फोटमा परेर कम्तिमा १७ जनाको मृत्यु भएको छ ।

सैन्य इलाकामा भएको विस्फोटमा परेर भने ४ सय २० जना भन्दाबढी व्यक्ति घाइते भएको बीबीसीले जनाएको छ ।

राष्ट्रिय टेलिभिजनमार्फत एक विज्ञप्ती जारी गर्दै राष्ट्रपति तेओडोरो ओबियाङले सेनाको लापरवाहीका कारण सो विस्फोट भएको बताउनु भएको छ ।

उहाँले सेनाको बेसक्याम्पमा डाइनामाइट प्रयोगमा भएको लापरवाहीले सो विस्फोट भएको दावी गर्नु भएको छ । विस्फोटलगत्तै सामाजिक सञ्जाल र टेलिभिभजनमा धुवाँको मुस्लोसहित धेरै व्यक्ति हताहत भएका दृष्यहरु देखाइएका थिए ।

सरकारी टेलिभिजनले फोहोरको थप्रेबाट घाइतेहरुको उद्दार गरिएका दृष्यहरु प्रशारण गरेको छ । कतिपय सर्वसाधारण भने धुवाँको मुस्लो देखेसँगै सुरक्षित स्थानतर्फ स्थानान्तरण भएको बताइएको छ ।

अस्पतालहरुमा घाइतेहरको भीड लागेगको बताइएको छ । कच्चा तेलको भण्डारण रहेपनि इक्वेडरमा अत्याधिक जनसंख्या गरिब रहेको बताइएको छ । एजेन्सी