काठमाडौं । आज शनिवार देशका विभिन्न जिल्लामा बत्ती काटिने भएको छ । प्राधिकरणका अनुसार आज ललितपुर, चितवन, सुर्खेत, धनुषा, मोरङ, कास्की, पर्वत, वाग्लुङ, म्याग्दी र मुस्ताङ जिल्लाका विभिन्न स्थानमा विद्युत कटौती हुनेछ ।

ललितपुरको लगनखेल वितरण केन्द्र र चापागाउँ सव वितरण केन्द्रबाट विद्युत आपूर्ति हुने क्षेत्रहरू (ढलोट कारखाना, हात्तीवन, एरावत टोल, धापाखेल, हरिसिद्धि लगायत)मा मध्यान्ह १२ बजेदेखि दिउँसो ३ बजेसम्म विद्युत काटिनेछ ।

यस्तै चितवनको चनौली वितरण केन्द्रबाट प्रवाह हुने विभिन्न क्षेत्रमा विहान ९ बजेदेखि बेलुका ६ बजेसम्म बत्ती जानेछ ।

यसैगरी कास्की, पर्वत, वाग्लुङ, म्याग्दी र मुस्ताङ जिल्लाका विभिन्न स्थानमा बिहान १० बजेदेखि दिउँसो १ बजेसम्म विद्युत कटौती हुने प्राधिकरणले जारी गरेको सूचनामा उल्लेख छ ।