काठमाडौं । प्रधानमन्त्री केपी शर्मा ओलीले नेकपाको सरकारले तीव्र विकासको माध्यमबाट देशलाई समृद्ध र जनतालाई सुखी बनाएको बताउनु भएको छ ।
ओलीले झापा आन्दोलनको नेतृत्व गर्दा होस वा सरकारको नेतृत्व गर्दा देशलाई समृद्ध र जनतालाई सुखी बनाएर शहिदको सपना साकार पार्ने काम गरिरहेको बताउनु भएको हो ।
झापा आन्दोलनका शहिदहरुलाई श्रदाञ्जली दिँदै ओलीले राजीनतिक स्थिरता कायम गर्न विभिन्न अवरोध छिचोल्दै सरकार अघि बढेको दावी गर्नुभयो । कम्युनिष्ट आन्दोलनलाई सफल बनाउन झापा आन्दोलन गौरवपूर्ण प्रस्थानबिन्दु भएको ओलीको ठहर छ ।
२०२८ मा नेपाल कम्युनिष्ट पार्टीले झापा आन्दोलनको सुरुवात गरेको थियो । यो आन्दोलनमा कम्युनिष्टहरुले सामन्त आरोप लगाएर केही सर्वसाधारणको हत्या गरेका थिए ।
पछि सरकारले २०२८ फागुन २१ गते आजकै दिन रामनाथ दाहाल, नेत्र घिमिरे, वीरेन राजवंशी, रत्नकुमार वान्तवा लगायत केही नेताहरूको हत्या गरेको थियो ।
यस काण्डलाई नेपालको इतिहासमा ‘झापा काण्ड’ नाम दिइएको छ।
।