संखुवासभा । खाँदबारी–किमांथान्का सडक खण्डमा भारतीय नम्बर प्लेटको टिपरको ठक्करबाट एकजनाको मृत्यु भएको छ । एकजना घाइते भएकी छन् । मृत्यु हुनेमा मकालु–३ हेदाङनाका ४२ वर्षीय खड्गबहादुर राई रहेको प्रहरीले जनाएको छ ।

राई चढेको को २३ प ४८१५ नम्बरको मोटरसाइकललाई बिहान साढे ९ बजे भारतीय नम्बर प्लेटको टिपरले ठक्कर दिदाँ उनको घटनास्थलमै मृत्यु भएको जिल्ला प्रहरी कार्यालय संखुवासभाका सूचना अधिकारी सन्तोष बुढाथोकीले बताउनुभयो ।

टिपरको ठक्करबाट गम्भीर घाइते मृतक राईकी श्रीमती प्रेम कुमारी राईको प्राथामिक स्वास्थ्य केन्द्र नुममा साधारण उपचार पछि थप उपचारका लागि काठमाडौं पठाइएको छ । मकालुको फयाक्सिदा घर भएका मृतक राई राजारानी आधारभुत विद्यालयका सहयोगी हुन् भने श्रीमती सोही विद्यालयको बाल शिक्षिका हुन् ।

अरुण तेस्रो जलविद्युत् आयोजनाको टिपरका चालक काभ्रे नवबुध नगरपालिकाका ३० वर्षीय सुवास चौलागाईंलाई प्रहरीले नियन्त्रणमा लिएको छ ।