यो अनिश्चित यात्रानै त जिन्दगानी हुँदोरहेछ
कहिले चर्को घाम त कहिले पानी हुँदोरहेछ ।
तछाड र मछाड यहाँ बाचुन्जेलसम्म मात्र हो
बुझ्नुहोस् मरेपछि त ज्यान खरानी हुँदोरहेछ ।
महोदय ,कलियुगमा प्रेम पनि एक ब्यापार हो
ब्यापार गर्न नजाने आफैलाई हानी हुँदोरहेछ ।
पैसामै इमान, इज्जतको कारोबार भएपछि यहाँ
इमान्दार हुनु त आफैमाथि बेइमानी हुँदोरहेछ ।
भागबण्डा मिले जुट्ने नमिले फुट्ने अहो कस्तो
जनताभन्दा ठुलाबडाहरु नै नादानी हुँदोरहेछ ।
।