काठमाडौं ।  तराईंका जिल्लाहरूमा बाक्लो हुस्सु र कुहिरो लागिरहेको छ।

हरेक दिन बिहानजसो हुस्सु र कुहिरो लाग्नाले तराईको जनजीवन प्रभावित बनेको छ।

साथै उच्च हिमाली क्षेत्रमा हल्का हिमपात भइरहेको छ। जसकारण देशभरको तापक्रममा गिरावट आएको मौसम पूर्वानुमान महाशाखाले जनाएको छ।

महाशाखाले चिसोबाट जोगिन आवश्यक सतर्कता अपनाउन सबैमा आग्रह गरेको छ।

आज प्रदेश १, बागमती र गण्डकी प्रदेशका उच्च हिमाली क्षेत्रका केही ठाउँमा हल्का हिमपातको सम्भावना रहेको छ। भोलिबाट भने मौसम सामान्यता सफा रहने महाशाखाको भनाइ छ।