काठमाडौं । प्रधानमन्त्री केपी शर्मा ओली पुस २४ गते धनगढी जाने भएका छन्।

नेपाल कम्युनिष्ट पार्टी (नेकपा) ओली समूहले पुस २४ गते धनगढीमा जनसभा आयोजना गरेको छ। धनगढीमा सोमबार आयोजित पत्रकार सम्मेलनमा अध्यक्ष थापाले बताएअनुसार जनसभाका लागि विभिन्न समिति गठन भएका छन्।

अध्यक्ष थापाको संयोजकत्वमा २५२५ सदस्यीय मूल तयारी समिति गठन भएको छ। यस्तै केन्द्रीय सदस्यहरु क्रमश दीपकप्रसाद देवकोटाको संयोजकत्वमा आर्थिक समिति, नारदमुनी रानाको संयोजकत्वमा अथिति सत्कार समिति, रणबहादुर चन्दको संयोजकत्वमा मञ्च तयारी समिति, देवबहादुर वमको संयोजकत्वमा यातायात व्यवस्था समिति, डिल्लीराज भट्टको संयोजकत्वमा स्वास्थ्य र उद्धवकुमार भट्टराईको संयोजकत्वमा प्रचार प्रसार समिति, लिला भण्डारीको संयोजकत्वमा जन परिचालन समिति र राजेश खातीको संयोजकत्वमा स्वयम् सेवक परिचालन समिति गठन भएको छ।

अध्यक्ष थापाले पुस २२ गते प्रदेश समितिको बैठक बस्ने बताउँदै यसअघि अर्को पक्षले आफूलाई नबोलाएर गरेका सबै निर्णय खारेज भएको पत्रकार सम्मेलनमा बताए।