बैतडी । सुनर्या गाउँपालिका–७ आलुगैरामा जिप दुर्घटना हुँदा एकको मृत्यु भएको छ । से १ ज ८४३ नम्बरको जीप दुर्घटना हुँदा बुंगल नगरपालिका–११ का २७ बर्षिया चालक धनबहादुर बोहराको घटनास्थलमै मृत्यु भएको छ । दुर्घटनामा परेर तीन जना घाइते भएका छन् ।

घाइते हुनेमा बैतडीको पुर्चौडी नगरपालिका–४ घर भएका ३५ बर्षिया जनकराज भट्ट, सोही ठाउँ घर भएका ४० बर्षिया गंगादत भट्ट र बझाङको वित्थडचिर गाउँपालिका भर भएका २८ बर्षिया हरिस बोहरा रहेका छन् ।

धनगढीबाट बझाङ आउँदै गरेको जीप अनियन्त्रित भएर सडकभन्दा १५० मिटर तल खसेको घाइते भएका जनकराज भट्ट र गंगादत भट्टलाई उपचारको लागि डडेल्धुरा अस्पताल पठाइएको र घटनाको थप अनुसन्धान भइरहेको जिल्ला प्रहरी कार्यालय बैतडीका प्रवक्ता जनकबहादुर धामीले जानकारी दिए ।