ललितपुर ।  एकान्तकुनास्थित यातायात व्यवस्था कार्यालयले झण्डै ७० हजार अनुमतिपत्र वितरण गर्न बाँकी छ।

तिहारपछि अनुमतिपत्र लिन आउने सेवाग्राहीको संख्या कम भएको कार्यालयले जनाएको छ।

नवीकरणका लागि आएका सेवाग्राहीको झण्डै १५ हजार अनुमतिपत्र भने छापिन बाँकी छ।

हाल अनुमतिपत्र नवीकरणका लागि दैनिक तीनदेखि चार सय सेवाग्राही आइरहेको कार्यालयले जनाएको छ। नयाँ अनुमतिपत्रका लागि भने आवेदन खुलेको छैन।

रासस