बझाङ । बझाङ जिल्लाको बित्थडचिर गाउँपालिका–९ सुनकुडामा बसको ठक्करबाट एक बालिकाको मृत्यु भएको छ । चैनपुर देखी महेन्द्रनगर जादै गरेको ना ६ ख १७९५ नम्बरको बसले ठक्कर दिँदा २ वर्षीया बालिका दिपिका बिष्टको मृत्यु भएको प्रहरीले जनाएको छ ।

जिल्ला प्रहरी कार्यालय बझाङका डिएसपी रुपक खड्काका अनुसार बसको ठक्करबाट घाइते बालिकाको उपचारका लागि धनगढी लैजादै गर्दा बाटोमा मृत्यु भएको हो । चालक दिपक बोहोरा र बसलाई प्रहरी चौकी स्याडीले नियन्त्रणमा लिएको र थप अनुसन्धानको लागि जिल्ला प्रहरी कार्यालयबाट टोली घटनास्थलतर्फ पठाएको डियसपी खड्काले जानकारी दिए ।