कोरोना कहर
उपत्यकामा ४०४ सहित १२१७ जनामा कोरोना संक्रमण, १०६४ संक्रमणमुक्त
१२ जनाको मृत्यु
काठमाडौं । नेपालमा पछिल्लो २४ घण्टामा १२१७ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १२१७ जनामा कोरोना संक्रमण पुष्टि भएको हो ।
योसँगै नेपालमा कोरोना संक्रमितको जम्मा संख्या २ लाख ४५ हजार ६ सय ५० पुगेको छ ।
पछिल्लो २४ घण्टामा ७ हजार २३२ जनाको पीसीआर परीक्षण भएका छ ।
पछिल्लो २४ घण्टामा १०६४ जना कोरोना संक्रमित संक्रमणमुक्त भएका छन् ।
नेपालमा हालसम्म संक्रमणमुक्त हुनेको संख्या २ लाख ३१ हजार ६०१ जना पुगेको छ ।
नेपालमा सक्रिय संक्रमितको संख्या १२ हजार ३८६ पुगेको छ ।
पछिल्लो २४ घण्टामा थप १२ जना कोरोना संक्रमितको मृत्यु भएको छ ।
योसँगै नेपालमा कोरोना संक्रमणबाट मृत्यु हुनेको संख्या १६६३ पुगेको छ ।
स्वास्थ्य मन्त्रालयका अनुसार २४ घण्टामा काठमाडौं उपत्यकामा थप ४०४ जनामा कोरोना संक्रमण पुष्टि भएको छ ।
काठमाडौंमा ३२८, ललितपुरमा ५१ र भक्तपुरमा २५ जना संक्रमित थपिएका छन् ।
सत्यपाटी ।