काठमाडौं ।  गएराति सुर्खेतमा जीप दुर्घटना हुँदा ९ जना घाइते भएका छन् ।

जिल्लाको लेकवेशी नगरपालिकाबाट वीरेन्द्रनगर नगरपालिका तर्फ आउँदै गरेको कर्णाली प्रदेश ०२÷००१ ज ००३९ नम्बरको जीप वीरेन्द्रनगर नगरपालिका–१३ करेखोलामा दुर्घटना भएको हो ।

अरोलो सडकमा बोलेरो जीपको ब्रेक फेल भएपछि सडकमै पल्टिएर दुर्घटना भएको जिल्ला प्रहरी कार्यालय सुर्खेतले जानकारी दिएको छ ।

दुर्घटनामा घाइतेको उद्दार गरेर देउती नसिङ्ग होम वीरेन्द्रनगरमा उपचार भइरहेको जिल्ला प्रहरी कार्यालय सुर्खेतका प्रवक्ता डीएसपी रामप्रसाद घर्तीले जानकारी दिए ।

जीपमा चालकसहित १० जना यात्रु सवार थिए । चालकबाहेक सबै यात्रु सामान्य घाइते रहेको  प्रहरीले जानकारी दिएको छ ।